فنانو لبنان يشعلون مواقع التواصل الاجتماعي في ذكرى انفجار مرفأ بيروت
بكلمات مؤثرة وصور صادمة محطمة، حرص عدد كبير من نجوم لبنان على استذكار السنوية الأولى لانفجار مرفأ بيروت، الحادث الأليم المروع الذي قتل أكثر من مئتي شخص، وألحق دمارا بمدينة بيروت.
تصدر عدد من الهاشتاج الذي أطلقها نجوم الفن في لبنان عبر مواقع التواصل الاجتماعي، منها، "انفجار مرفأ بيروت"، "٤ اب"، "لن ننسى" و "رح تتحاكموا".
هيفاء وهبي بالابيض : دخيلك يا وطنّا ما إلنا غيرك
ارتدت الفنانة اللبنانية هيفاء وهبي "الأبيض"، حاملة "وردة" لضحايا انفجار مرفأ بيروت، الذين وقعوا شهداء في الرابع من أغسطس من العام الماضي، وبتلك الطريقة أحيت الذكرى الأولى للانفجار الأشهر في السنوات الأخيرة، كما نشرت فيديو لمنزلها المحطم وأكثر الأماكن التي كانت تجلس عليها، والتي بدت مهشمة تماما من الانفجار.
وأهدت وهبي وردتها البيضاء إلى روح كل طفل وشاب لم يعودا إلى منزلهم في هذا اليوم وكان مصيرهم الموت، ووصفتهم بأنهم "ملائكة" لا ذنب لهم في إهمال وقع، وتنصل مسؤولون من تحمل المسؤولية على عاتقهم، وهو ما جعلها تترك رسالة أيضاً للبنان البلد.
وكتبت قائلة: "اليوم الذكرى الأولى لعيد موتك يا لبنان تغير المنظر الي كنت شوفه من شرفة بيتي المطلة عليك يا مرفأ! كنت أوقف عالشرفة وشوف بيروت الحلوة، شوف الأضوية والناس عمتتمشى مبسوطة هلا صار المنظر جرح".
وتابعت: "صرت شم ريحة وجع وصرخة كل شخص فقد غالي عقلبه بالانفجار.. لكل طفل ولكل شاب ولكل صبية ولإلك يا سحر.. لكم يا ملائكة بالسما بهدي وردة بيضا متل روحكم البريئة اللي ما ذنبها!!".
وعقبت : "المنظر تغير يا بيروت.. بترجاكي ارجعيلنا يا حلوة اشتقنالك.. ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك ..يا سندنا ويا ضهرنا المكسور نحنا حدّك مارح نتركك لترجع توقف عإجريك".
نادين نجيم :"ما رح ننسى أبداً الجريمة الإنسانية "
نشرت الفنانة نادين نجيم مجموعة صور لمنزلها الذي تحطم، وفيديوهات من الأضرار التي تسبب فيها، وأثار دمها التي تواجدت على الجدران, نتيجة إصابتها في وجهها من الحادث وعلقت : "بذكرى 4 آب ما رح ننسى أبداً الجريمة الإنسانية يلي صارت بحق الشعب اللبناني هيدي مش حرب هيدا كان نهار طبيعي متل كل أيام السنة والناس قاعدة ببيوتها بأمان مرتاحة.. فجأة بلحظة وبغفلة عين فجّرونا! ليش؟ كلنا منعرف الجواب.
اضافت:" الله أكبر منكم و الله مع كل إنسان اتضرر جسدياً ومعنوياً ومادياً الله يرحم الضحايا و يصبّر أهلهم، الحجر بيتعوض بس الإنسان ما بيتعوّض ما في شي رح يعوّضنا غير عدالة السما".
نانسي عجرم : سنظل نطالب بالحقيقة و بالحساب
وكتبت نانسي عجرم " من سنة، انفتح جرح بعمره ما رح يتسكر و كل يوم بيكبر أكتر. من سنة، و الحزن مخبّى بشوارع أجمل بلد و أحلى مدينة بالعالم و عم يرفض يفارقن" .
اضافت: "بالمقابل، من سنة لهلق شغلة وحدة ما عملتوا ولا حتى غيّرتوا. من سنة لهلق منطق المواربة والإفلات من العقاب عم تنتهجوا"
اختتمت حديثها ب"بس اللي لازم تعرفوه إنو من سنة، و لهلق، و لآخر ثانية بحياة كل واحد منا، رح نطالب بالحقيقة و بالحساب. كرامة دمعة كل إم و حسرة كل بي ووجع كل إخت و خي وحبيب".
سيرين عبدالنور: "الوجع ما بيخلص "
بفيديو للانغجار نفسه، قالت سيرين عبد النور، :" وقتها قالو مفرقعات سببت الانفجار، بعد شهر قالو يللي صار قضاء وقدر
بعد سنة رفضو يرفعو الحصانات، بعد ١٠ سنين نحنا وبعدنا، ناطرين الحقيقة رح يضلو يكذبو، ومع العمر انتو رح تموتو ولحظتها رح تفهمو شو يعني وجع، وانو حصانتكم ما بتمشي عند رب العدالة، وحقيقتكن رح يحكي عنها التاريخ".
اضافت:" في ناس راحو من هالدني غدر ونحنا بعدنا ناطرين الحقيقة، هني عرفو مين المجرم يللي قتلهن، وعم بشوفو اهاليهن كيف عم بحاربو كرمالهن وكيف هالوطن عم يبكي عليهن، الكلام عن اغتاليهن والوجع ما بيخلص لا بعد سنة ولا بعد عمر ".
اليسا : تأثير الانفجار أكثر من الحرب الأهلية"
وجهت إليسا رسالة عبر حسابها ب "تويتر" كاتبة:"ما تخيلت بحياتي إن رح يمرّق علينا كارثة مثل٤ آب الماضي انفجار اغتصب العاصمة بيروت وأهلها وكان دماره ووقعه وتأثيره بدقائق معدودة أكثر من الحرب الأهلية اللي عشناها على مدى 15 عام، جرح لبنان مفتوحا الضمير غائب الغضب عارم نحن بحاجة للمساعدة من المجتمع الدولي لتتحقق العدالة".
كارول سماحة :كيف ممكن ننسي هاليوم ؟
وعلقت كارول سماحة، وقالت :" اندبح، كيف ممكن ننسى هاليوم، ونتخطى هالكابوس، كل شي اتغير…من بعد هاليوم كل شي فينا تغير…أيدٍ مطوية".
نوال الزغبي : محزرة السلطة أبطالها
وقالت نوال الزغبي ":" سلطة الذل العهد المتسلط الزعماء البلا ضمير التاريخ ما رح يرحمكن عللي عملتوا بلبنان وشعبه!! ٤ آب مجزرة إنتوا أبطالها! انتوا أعداء الوطن! شعاركن "انا ومن بعدي الطوفان".
