" كانت اوفر شوية".. صابرين تشن هجوما على حلا شيحة

تحدثت الفنانة صابرين على أزمة الفنانة حلا شيحة، التي تُعلن فيها تبرؤها من مشاهدها الجريئة مع الفنان تامر حسني خلال كليب "بحبك" فى فيلهما الجديد "مش أنا".

قالت صابرين، خلال لقائها فى برنامج "كلمة أخيرة" مع الإعلامية لميس الحديدي "بالنسبة لي كان موقف مريب وأنا أعرفها وهي خالعة الحجاب، وهي محجبة ومنقبة في مناسبات مختلفة جمعتنا، لكن الموقف الأخير كان مريب حسيت وقتها إن فيه حاجه غلط".

وأضافت: "لما قرات البوست كان غريب برضه، ما دام خلاص عملتي حاجة أو خدتي خطوة تمام بس مش كده يعني، هي ممكن تكون اتخبّطت شوية مثلا، نسيت التمثيل شوية، كل واحد فينا في فترة من الوقت بيتخبط".

وأردفت الفنانة: " إلى عملته حلا كان أوفر شوية وأكثر ما أزعجني في أزمتها علاقتها بوالدها الفنان أحمد شيحة، أي حاجة عادي لكن علاقتك بوالدك ماينفعش تبقى كده ابوكي راجل محترم جدًا".

وأوضحت: "براحتك أتجوزي وأعملي إلى إنتي عايزاه هي بني أدمة وحرة ولا اجرأ أتكلم في ده، لكن معلش إيه إلى ماعجبكيش فيابوكي وأمك، الأب والأم مش خط أحمر بس ده خط ملتهب".