يسرا تشتاق لوالدتها فى ذكرى رحيلها
حرصت الفنانة يسرا على إحياء الذكرى الثانية لوفاة والدتها، معربة شتياقها وفقدانها الشديد لها، ومطالبة جمهورها بالدعاء لها بالرحمة والمغفرة.
وكتب يسرا عبر حسابها الشخصي على "انستجرام"، قائلة: "أمي الغالية سنتين فاتوا على فراقك.. وحشتيني أوي وحقيقي الحياة من بعدك فيها حاجة ناقصة أوي بنسبالي".
وتابعت: "خدتي معاكي يا أمي الفرح كله والحزن كله معاكي، كل حاجة بقت شبه بعضها من بعدك، يمكن الحاجة اللي مصبرة قلبي على فراقك، إني عارفة إنك في مكان أحسن وأنظف وأنقى، مكان مليان حب وسلام وتسبيح لرب الكون سبحانه وتعالى".
وأضافت: "وحشتيني ووحشني حضنك، وطبطبتك عليا وأنا في حضنك، حقيقي أنا عايشة برضاكي وبرك عليا، ربنا مايحرمني من برك عليا، ربنا يجمعني بيكي على خير".
واختتمت: "بشكر كل حد فاكر أمي في دعائه، وربنا ما يحرمكوش من أي عزيز أو غالي.. فضلا وليس أمرًا برجاء الدعاء وقراءة الفاتحة".
