معز مسعود يدعم حلا شيحة في أزمة كليب " بحبك"

يوكد ان نزول الكليب في توقيت له قدسية كبيرة

حرص الداعية والمنتج معز مسعود على دعم زوجته الفنانة حلا شيحة ، بعد حالة الهجوم الكبيرة التي حدثت فور إعلانها تبرأها من فيلمها " مش أنا " نظراً لبعض المشاهد الرومانسية التي جمعتها مع المطرب تامر حسني .

نشرت معز منشوراً عبر حسابه الخاص بـ"انستجرام"، وقال فيه "إلى زوجتي الغالية حلا .. قادر افهم انزعاجك نتيجة مرور وقت كبير على تصوير الفيلم ده بسبب كورونا وان حياتك اتغيرت زي ما انتِ قولتي في البوست بكل احترام.

أضاف :" قادر كمان افهم انزعاجك من التركيز على المشاهد دي و تجميعها رغم الوعد الشفهي بتجنب ذلك من صناع العمل (الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي)، خصوصا مع نزول الكليب في توقيت له قدسية كبيرة بالنسبة لنا" .

تابع :"ولو كنا نعرف ان الوعد مش كافي علشان يحل المشكلة دي كنا مشينا في حلول تانية.. اللي بينك وبين ربنا فيما يخص اجورك عن أعمالك السابقة مش مضطرة تقوليه لحد.. ومتشغليش بالك بأي كلام بيتقال بغير علم.. الناس مش بتاخد بالها من تفاصيل كتير أبسطها الوقت الطويل والأحداث الكبيرة اللي بتحصل في حياة اللي بيتكلموا عنهم بمنتهى الأريحية والثقة والتسرع في إصدار الأحكام" .