حتعدي يانيل
عمري مكنت ف يوم متعدي
دايما صاين حق الجار
عمري مكنت ف يوم متغدي
إلا بطعم العيش أحرار
عهدي السلم حياتي وديني
انت براحتك كيف تختار
رح يعدي
ورح يعدي
اسمع مني مفهش هزار
مش حيهدي
حيرمي ويدي
لا بيدك انت ولا بيدي
وعمر دليلي مايوم احتار
جمري
بصبه عللي
يبعد يوم عن دوغري
ويلعب جنبي بميه نار
************
فضلك زايد فينا يانيل
حبك قايد شمعه سنين
دايما عايد خير ومحبه
تشهد بيه أجيال وسنين
سخطك عللي قال ميجيش
كله كلام مش حيعيش
ساعتها مش ححتار
ولا حيكونلي عيشه في دار
تبقى دمار ف دمار ف دمار
هوه نهايته يانيل اختار
عمري مكنت ف يوم متغدي
إلا بطعم العيش أحرار
************
ياورد رح يسقيك
هو بيغنيلك
وياسعد الهوي بيك
حافظين خيرك وجميلك
يوماتى علينا تفوت
امرك للنخل يميل
تعظيم سلام وسكوت
واخر حدود يابلادي
يكتبها أحلى بيوت
وينادي بأعلى الصوت
أخرى هنا مرتاح
أخرى هنا رح افوت
اخترت البحور أسرار
عمري مكنت ف يوم متغدي
إلا بطعم العيش أحرار
الشاعر/ جمال اليمنى
