التفاصيل الكاملة لتصفية مسجل خطر بعد ترويجه لتجارة المخدرات على "الفيس بوك"

مدعيًا مقاومتها لفيروس كورونا

"مجرمون لكن ظرفاء" .. قد يستغرب البعض كيف لشخص مجرم أن يجمع بين صفاته الإجرامية وبين خفة الدم .. ولكن هذا ما حدث بالفعل مع مسجل خطر بقرية السمطا التابعة لمركز دشنا بمحافظة قنا، حيث قام بنشر فيديو على موقع التواصل الاجتماعى "الفيس بوك" بهدف الترويج لتجارة المخدرات مدعيًا مقاومتها لفيروس كورونا المستجد، وذلك قبل أن تنجح أجهزة الأمن في تحديد موقعه وتصفيته بعد تبادل لإطلاق النيران.

البداية كانت مع تداول فيديو على موقع التواصل الاجتماعى "الفيس بوك" ظهر خلال أحد الأشخاص ممسكًا بسلاح آلى وبجواره كميات مختلفة الأحجام والأنواع من المواد المخدرة، ويقوم بالترويج لها بعد أن زعم قدرة المخدرات على زيادة المناعة لمواجهة فيروس كورونا المستجد، معلنًا عن رقم هاتفه في نهاية الفيديو لتسهيل تواصل العملاء الراغبين في الشراء.

وقال المتهم خلال الفيديو الذى حصلت عليه بوابة "الجمهورية أون لاين" : "كل عام وشعب مصر بخير .. عندى ليكم كلمة عايز أقولها .. الكورونا أول هام انتو معرفينهاش التصرف بتاعها ازاى .. لو انت كلت برشامة تامول .. المناعة عندك تشد .. وزيها سيجارة أفيون أو صباع حشيش أو تمن بانجو تاخده وتلف .. كده مفيش كورونا هتجيلك لأن لما تكون المكيفات والمخدرات أكتر المناعة بتقوى".

واستطرد قائلًا: "احنا مش عايزين نظلموك .. متشدش أكتر من الكمية اللى بالك .. إلا لو انت بتبيع .. أه .. لو عايز تبيع تعالى اشترى وبيع .. انما لو هتاخد على كد كيفك تعال خدلك حاجة بسيطة .. وانا كل حاجة قدامك أهو .. بدل ما نسرقوا ولا نحلقوا .. الواحد يقعد في بيته ويبيع وهو قاعد محترم .. والرزق على الله .. وإحنا لا ناس لبط ولا بنالبطوا .. احنا كله عشان كورونا اللى شغاله سط دى .. دى وصلت مناحل أكتر من ملايين يا بووى .. ايه نعملوا تانى للمرار ده .. والحاجة اللى قدامى دى – ويشير إلى المخدرات – محتاجة دى – ويشير إلى السلاح الآلى بيده – لأن لو خش على حد وانا قاعد ببيع .. هو انا عما أحلق .. مش عما أحلق .. عما أبيع .. وادى كل حاجة .. والدنيا هايصة .. عايز لفف بانجو نجيبولك .. عايز ايه حاجة نجيبهالك .. واحنا قاعدين في بيوتنا ونبيعوا .. ناس باحترامنا وأدبنا .. هى المعيشة حرام .. مش حرام المعيشة.. وخدوا رقمى الخاص علشان نتواصل – وأعلن عن رقم هاتفه في الفيديو –وأكمل قائًلا :" نشوف رناتكم وأنا مش هقولكم الاسم إيه.. رنوا على الموبايل ونتكلم في الموبايل بعد كده "

وعقب ذلك توصلت جهود أجهزة الأمن لتحديد هوية المتهم، ونجحت في التوصل إليه حيث تبين أنه مسجل خطر اتجار في المخدرات ويدعى "فرج أبوالسعود" مقيم قرية السمطا بمركز دشنا بمحافظة قنا، وعلى الفور تم إعداد حملة مكبرة شارك فيها الأمن العام والبحث الجنائى بمديرية أمن قنا ووحدة مباحث دشنا، وما إن وصلت القوات إلى موقع المتهم بادر بإطلاق الرصاص صوب القوات التى بادلته إطلاق النيران حتى سقط قتيلًا .. وتم نقل الجثة لمشرحة مستشفى قنا العام وأخطرت النيابة العامة لمباشرة التحقيقات.