أحمد فواد سليم أداء عبقري وموهبة متفردة بعدسة رؤوف عبد العزيز

شهدت الحلقات الماضية من مسلسل" الطاووس" أحداثها مثيرة وحوار شيق بين الفنان القدير أحمد فؤاد سليم و سهر الصايغ، بعدسة المخرج المبدع رؤوف عبد العزيز، الذي لدية قدرة فائقة على كيف توجية وإدارة موهبة الممثل بشكل رائع.

ففي مشهد الحلقة الـ 15 من مسلسل " الطاووس" و الذي دار بين "ضياء شاهين" الشخصية التي يقدمها الفنان أحمد فؤاد سليم وأمنية الشخصية التي تقدمها سهر الصايغ، قدم أحمد فؤاد سليم لمفهوم الشخص النرجسي، يعني لو حد طلب منك تعريف للشخص النرجسي أنت مش محتاج اكتر من انك تجعله يشاهد هذا المشهد من المسلسل "الطاووس"، وسوف يفهم كل ما تريد تقوله بشكل بسيط وسلس، حيث يلعب أحمد فؤاد سليم شخصية أبو زين مغتصب أمينة "سهر الصايغ" في المسلسل و في هذا الجزء من الحوار يحاول ان يساومها لكي تتنازل عن القضية ، ومن أبرز الجمل التي تم عرضها في الحوار الذي دار بينمها هي كالتالي :-

" انا اسف يا بنتي عاللي حصلك. اطلبي اللي انتي عايزاه، انا تحت امرك "
"انا مش عايز اكل حقك انا عايز اجبهولك اوعي تفتكري ان كمال الاسطول هو اللي هيجبلك حقك "
" تلاقيكي من ساعة اللي حصل و انتي دايرة ورا الناس يا عيني ده يجيبك يمين ده يوديكي شمال ، صح و لا انا غلطان "
" القضية دي يا امنيه اخرها ان الولاد اللي هما زين ابني و حماد و طارق المنزلاوي هيتعاقبوا علي نشر فيديو فاضح و هيخرجوا بكفالة .. عارفة ليه لان كلامهم هيبقي قصاد كلامك و مفيش دليل واحد عاللي انت بتقوليه "
" يا امنية انتي زي بنتي بالظبط و انا لو مش باقي عليكي هقعد و اتكلم معاكي كده !!! طبعا كمال الاسطول عمره ما قعد و اتفاهم معاكي زي ما انا بعمل كده"
" علي فكرة يا امنيه انا مبكدبكيش بس كله بالقانون و القانون مبياخدش غير بالادلة مش بفرضة الصدر زي ما كمال الاسطول عايز ، عموما كمال الاسطول ده زميل و اتمني له الخير "
" متخليش الجماعة الفشلة اللي زي كمال الاسطول ولا فريدة هما اللي يقرروا لك دي ناس عايزة تنجح و تتسيط علي قفاكي"
" انا عارف انك عايشة في بيت صغير حق انتي و اختك و بنتها و طبعا محتاجين مصروف كل شهر ده اول اهم ، تاني هام مصاريف المعهد بتاعتك ، اندفعت خلاص و هتاخدي شهادتك في ميعادها و اخر حاجة بقي الجواز ، جوازك من فيجو اللي بيحبك و هديتي ليكم شقة و تبعدوا بقي عن الهم و وجع الدماغ "
" صدقيني يا امنية ده احسن عرض جالك ، انا متاكد ان ابوكي الله يرحمه لو كان عايش كان هيختار لك اللي انا اخترتهولك بدل ما تضيعي عمرك في المحاكم ، محدش يابنتي بيختار اللي بيضيع منه في الدنيا "
و قبل حتي ما يستني يسمع ردها قرر أن " السكوت علامة الرضا " و انها وافقت وهذا الأمر مثال حي و حقيقي لشخص نرجسي هو كما يقول الكتاب "شيطانا يعظ " و أكاد اجزم أن كل حد فينا عرف أو قابل حد بالشكل ده في حياته قبل كده مادة خام للشر ، بتجسيد من العبقري احمد فؤاد سليم صاحب الموهبة الفذة لا تشنجات ولا تبريق ولا ابتسامات مريبة ولا زعيق ولا اي حاجة، إنسان عادي هادي جدا متفاهم بشوش بسيط تتعمل معه تجزم بأنه شخص محترم و خدوم و ولدية أخلاق بينما في الواقع هو يشخص شرير للغاية، وهذا الأداء نابع
من شخص عبقري وموهبة متفردة كالفنان القدير أحمد فؤاد سليم.