اتعلمت كتابة الدراما على ايدك.. رسالة من محمد مهران لمحمد سامي بسبب "لؤلؤ"
أبدى الفنان محمد مهران سعادته البالغة بعد تأليفه مسلسل "لؤلؤ" بطولة النجم أحمد زاهر ومي عمر، والذي يعرض حالياً علي أحد القنوات الفضائية.
وكتب عبر حسابه على "فيس بوك" قائلًا: "مبروك لكل صناع مسلسل لؤلؤ.. مبروك يا مي.. إن شاء الله المسلسل يعجب الناس و يحبوا لؤلؤ وانتي تعبتي كتير في المسلسل واكيد ربنا هيجازيكي على قد تعبك".
وأضاف: أما بالنسبه لشعوري بفرحتي و أنا بقرا اسمي ومكتوب جنبه (سيناريو و حوار) إحساس مش عارف أوصفه.. بس أقدر أوصف أول حاجة جات في بالي وأنا بتفرج علي أول مشهد من مسلسل لؤلؤ.. افتكرت مكالمه جاتلي يوم 26/7/2020 من الأستاذ محمد سامي قالي فيها إيه رأيك تكتب سيناريو وحوار مسلسل لؤلؤ، أكتر حاجة استغربتها إني عمري ما قولتله إن بحب الكتابة أو حتى هو قرأ لي أي حاجة.. و بصراحه في الأول خفت من المسؤوليه الكبيرة دي بس قررت أخوض التجربة».
وتابع: "اكتشفت اني أهم حاجة طلعت بيها من التجربة دي اني اتعلمت كتير من الشخص اللي ليه فضل عليا بعد ربنا سبحانه و تعالي إني أعرف أكتب مشهد من بدايته لنهايته.. من أول ما قالي المشهد يتكتب بالورقة والقلم لحد أخر كلمه تتكتب في المسلسل.. الشخص ده هو الأستاذ محمد سامي اللي لازم يكون أول شخص أشكره".
واختتم قائلًا: "هشكره مش لكونه اداني فرصه اني اكتب السيناريو والحوار للمسلسل و بس ده، لأنه علمني يعني ايه اكتب سيناريو و حوار و ده شئ هفضل فاكره فأي مشهد لأي عمل هكتبه بعد كده شكراً و شكراً و شكراً لربنا انه قدر اني اتعلم كتابه الدراما علي ايدك».
مسلسل «لؤلؤ» يشارك في بطولته أحمد زاهر، نجلاء بدر، نرمين الفقي، محمد الشرنوبي، إدوارد، هيدي كرم، سلوى عثمان، عماد زيادة، حمدي هيكل، وعدد آخر من الفنانين وتأليف محمد مهران وإخراج محمد عبدالسلام وإنتاج سينرجي.
اتعلمت كتابة الدراما على ايدك.. رسالة من محمد مهران لمحمد سامي بسبب
اتعلمت كتابة الدراما على ايدك.. رسالة من محمد مهران لمحمد سامي بسبب
