اللى قدرنى فى حزنى جزمته فوق دماغى.. أول تعليق من حمو بيكا بعد البراءة.. فيديو

وجه مطرب المهرجانات حمو بيكا رسالة شكر للفنان هاني شاكر، نقيب المهن الموسيقية عبر حسابه بموقع "فيس بوك"، وذلك بعد الحكم الذى صدر أمس بايقاف تنفيذ عقوبة الحبس وإخلاء سبيله فى القضية رقم 41 لسنة 2020 بتهمة سب نقيب المهن الموسيقية.

كما حرص على توجيه رسالة عتاب لأصدقائه لعدم وقوفهم بجانبه وسؤالهم عنه بهذه الأزمة.

حيث قال فى الفيديو: "أشكر الأستاذ هاني شاكر وأعضاء النقابة أنا الحمد لله إمبارح أخذت براءة وهما تنازلوا على القضية الحمد لله أن طلعت منها بالسلامة، لكن مكنتش أتوقع من ناس أكلت معاها عيش وملح وكنا بنقعد مع بعض أكتر ما بنقعد في بيتنا مترفعش حتى سماعة تليفون وسألت عليا بس عادي ..أنا وقفت مع كل صحابي واخواتي في الحزن قبل الفرحة بس دي حاجة علمتني الصاحب الأخ من صاحب الشغل والمادة بتاعت الفلوس مش عايز أعرفها تاني ورمينا كتير وضيعنا عشانهم، وفي ناس كتير وقفت معاهم برقبتي وكنت ممكن أموت بسببهم بس أقول يلا مش مهم إحنا اخوات".

وأضاف: "ناس مني مش كنت أتوقع من رابع المستحيلات أن هما مش يسألوا عليا، بس الحمد لله ليا أخواتي تانيين وقفوا معايا كل واحد قدرني في حزني حتى لو بالكذب دول جزمتهم فوق دماغي، أما اللي مسألش أنا مش محتاج منكم حاجة كله عند ربنا مش عندكم".