هنتطلق بهدوء وهتفضل بيننا أيام.. رسالة جديدة من زوجة تامر عاشور بعد إثارتها الجدل

قررت سمر أبو شقة زوجة الفنان تامر عاشور نشر رسالة جديدة وذلك بعدما أثارت الجدل بتصريحاتها عن علاقتها بزوجها الفنان تامر عاشور مؤكدة أنهما اتفقا على إتمام الطلاق فى هدوء.

وكتبت عبر حسابها على انستجرام: "أنا وتامر هنفضل نحترم بعض لأن فى بينا عشرة وفى بينا بنتنا أيام اللى هتفضل رابط بينا طول العمر واللى أهم ليا إنها إن شاء الله تكبر متلاقيش أى حاجة تضايقها وتلاقى كل هدوء".

وأضافت: "الموضوع لا ترند ولا شو ولا أى حاجة غير حقيقة وحاجة بتحصل كل يوم بس بيحصل اللى حاصل لما يبقى حد مشهور، إحنا آه منفصلين مش مطلقين ولا اطلقنا ومرينا بمشاكل زي أى ناس طبيعية اتفقنا أو اختلفنا بتحصل يعني وبغض النظر عن مين غلط فى حق مين وإزاي لكن مهما حصل مفيش حد هيقبل أن يحصل تجريح للتاني فى اللي جاي".

وتابعت: "أنا رديت على أسئلة الاستورى بعفوية وبطريقتي اللي عمرها ما هتتغير وعادى جدا بس للأسف في مواقع حطت عناوين غلط علشان تشد و تزود التفاعل عندها وخلاص وعلي فكرة كلامي كان واضح و بسيط وموجود لحد دلوقتى مشلتوش على بروفايلى هنا ومقولتش أى حاجة غير الحقيقة اللي حصلت ببساطة و كان ظاهر منها 80% أو أكتر من غير أى شرح".

واختتمت قائلة: "منعا للمهاترات هي مش حرب مع ابو بنتي ولا عمرها هتكون والمفروض اننا نتفق بكل هدوء على الطلاق إنه يتم خلال الفترة الجايه واللي أكيد بعد ما يحصل مش هينقص من احترامي ليه او احترامه ليا وهنفضل أصدقاء تجمعنا "أيام" اللي هتفضل أهم من اي حد و اي حدث بس نبقي بنتجنب الضغوطات و المشاكل اللي ايا كان سببها موجود او انتهي بلا رجعة اتمني الموضوع يتقفل و مشوفش اي حاجة تضايقني واللي بيحبوني دعوة حلوة و شكرا لكل الحب و الدعم اللي بشوفه".