ميدو يوجه رسالة اعتذار لمحمد النني على الهواء.. لهذا السبب
وجه الإعلامي أحمد حسام ميدو رسالة اعتذار لمحمد النني لاعب وسط المنتنخب الوطني وفريق أرسنال الإنجليزي.
وقال ميدو من خلال برنامجه "أوضة اللبس": "محمد النني نجح في إثبات أن كُل مَن انتقده كان علي خطأ، وأنا أول مَن أعتذرلك وأُحييك علي ما قدَّمته".
وتابع: "بعض الناس بتستغرب إزاي لاعب مُتألق في أقوي دوريات العالم وييجي منتخب مصر يظهر بشكل مُختلف تمامًا أمام منافسين أضعف، أنا علي سبيل المثال مرِّيت بالتجربة دي.. وبعض الناس كانت بتقول ده بيخاف علي رجله، لا عُمري ما خُفت علي رجلي".
وأكمل: "أنا كنت بخش مع المنتخب في الحديد، لكن الفكرة إن الريتم عندنا مُختلف تمامًا عن دوريات أوروبا، المنتخب ريتمه بطيء وبياخد وقت كبير في نقل الكورة، عكس الكورة الأوروبية اللي بتمتاز بسرعة كبيرة جدًا وده بيسهِّل علي أي لاعب خَلق فُرص مُحقَّقة لنفسه".
