"الدنيا دوارة".. ريهام سعيد تتضامن مع زوجة هانى سعد الاولى بعد زفافه على درة
عبرت الفنانة والاعلامية ريهام سعيد عن تضامنها مع زوجة رجل الأعمال هاني سعد الأولى، خاصة بعد رسالتها المؤثرة ، بعد زواجه من درة، مشيرةإلى أن الزواج سيكون جارحًا لزوجته الأولى وأبنائه.
وردت ريهام على خبير التغذية وطليق الفنانة نيللي كريم، هاني أبو النجا، بعدما كشف العمر الحقيقي للعروسين، وقالت: “على فكرة الجواز والطلاق مكتوب، والجواز من 2 حلال، ولكن الدين وصى بمراعاة شعور الست، اللي يتجوز أو يطلق، أو يتجوز 2 هو حر”.
وأضافت: “الدنيا دوارة وكل واحد وضميره وظروفه، لكن تفتكر الست اللي شايفة جوزها، مش طليقها لابس بدلة وواقف جنب واحدة بيحب فيها، وأولاد بيشوفوا أبوهم مع ست تانية وهو عريس وأكبر حد فيهم عشر سنين، متهيألي ميصحش ومجرح”.
وتابعت: “هاني أنت شخصيًا عمرك ما عملت حاجة تجرح عيالك وبتحافظ على تصرفاتك جدًا، مكانش ليه لازمة الفرح، لأنه أكيد كان مؤذي جدًا لمشاعر الأم والأولاد”.
