اعتراف

شعر: اسماء كامل

لَو قُولت فـ يُوم إنِّي بَحبَّك هَـترَدِّد وتقُولهَا معَايا؟!

هتِيجِي بشُوقَك وفـ حُضنَك تحضُن شُوق قَلبي وهَوايَا؟!

يانَبض القَلب انا بشتَاقلَك وعِشقَك ساكِن جوَّايا

وقَلبي بلَهفَة بيندَهلَك تِرويه يطرَحلَك وردَايَة

تعالىٰ أحكيلَك عَن حُبِي عَن شوقِي الهَايم في سَمايا

والنَبضة السهرانَة فـ قَلبِي توصِف نَار حُبّك جُوايا

قرَّب وبشُوقَك دَفيني والجَنَّة هَتعيشهَا معَايا

جيَّالَك روحي تقولهَالك أنا أفراحَك وانتَ هنَايا

فـ بلَاش تعنِد ولّا تكابِر إنطَق واكسَب شَهد لُقايَا