أول سنة أضحك وأكون سعيدة.. رسالة حزينة من شيرين عبد الوهاب فى عيد ميلادها

حرصت النجمة شيرين عبد الوهاب على الإحتفال بعيد ميلادها الـ 40، ونشرت سلسلة تغريدات عبر حسابها على موقع التدوينات القصيرة تويتر بهذه المناسبة.

كتبت شيرين قائلة: "كل سنة وأنتم عيدي، دعاء أمي ليا كان محبتكم، ورضا ربنا عليا محبة الناس ، ديمها عليا يا رب! السنة دي أول مرة بيجي عليا يوم ميلادي وألاقي نفسي بضحك وسعيدة".

وأضافت: "سعيدة وبضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير.

وتابعت: على المستوى الشخصي أنا سعيدة جداً بأحسن زوج في الدنيا لأنه جوزي و أخويا وصديقي وإبني و سعيدة ببناتي وعيلتي ربنا يباركلي فيهم وكل جمهوري في الوطن العربي كله اللي بيخليني احس ان كل البلاد بلدى".

واختتمت قائلة: "سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي انا فيه دلوقتي".