هنيدى : كنت باكل ترمس وحمص على النيل وكنا هنغرق فى

قال الفنان محمد هنيدى،أنا بحب نهر النيل جدا بعيدا عن الجو الحلو والقعدة الحلوة ليا ذكريات معاه حلوة، خاصة أيام ما كنت عايش في امبابة وأنا صغير وكنا بنشوف النيل قريب من البيت، وبروح انا وأصحابى نذاكر هناك وقت الثانوية العامة

وأضاف هنيدى، خلال لقائه في برنامج "كلمة أخيرة" تقديم الإعلامية لميس الحديدى، المذاع على قناة ON، شكل المراكب في النيل كان جميل وكنت بتعرف على أصحابها وكمان انتا صورت فيه كتير جدا لما كبرت، وأكيد حبيت على النيل برده، وكنت باكل ترمس وحمص ودرة وتين شوكى، وانا لسه على تواصل مع أصحابى في امبامة وبروح أي مناسبة هناك وبشوفهم.

تابع، كنت أنا وعلاء ولى الدين وأشرف عبد الباقى روحنا مركب في المعادى نقعد لوش الفجر وواخدين الأكل وكل حاجة معانا وننام ونصحى، ولكن كان ليا موقف في النيل وقت تصوير فيلم "يانا يا خالتى" مع دنيا سمير غانم وكان النيل قلب فاجأة زى البحر وبقى في موج وسحب وتيارات، وانا بعرف أعوم إلى حدا ما ولكن كان في غواصين طبعا وكده