شوبير يعلق على ازمة حسام البدرى ومصطفى محمد

علق الاعلامى احمد شوبير، نائب رئيس اتحاد الكرة السابق، على ازمة حسام البدرى، المدير الفنى لمنتخب مصر، بشأن تصريحاته ضد مصطفى محمد، مهاجم نادى الزمالك، بعد مقولته بانه محتاج شغل كتير علشان يكون المهاجم الاول فى منتخب الفراعنة.

واضاف شوبير، عبر تصريحات اذاعية "حقيقى مستغرب جدا، البدرى لم يخطئ، قال إن مصطفى محتاج شغل شوية، هو فى حد فى مصر مختلف على مستوى مصطفى محمد، أنا معجب بيه وطالبت بعودته للزمالك بعد تألقه فى الإعارة والبدرى بيقول ده عشان يشد حيله شوية، أيه المشكلة وليه القصة قلبت أهلى وزمالك بدون داعى، أيضاً شوفت انتقادات من إعلاميين لمجرد أنه ظهر معايا، ومعرفش بردو السبب البدرى نفسه من شهر كان ضيف أحد البرامج، واحنا نفسنا بنتفق مع ضيوف كبار ونفاجئ بيهم أغلقوا الهاتف ورفضوا الحضور ويظهرون بعدها فى برامج أخرى ولا نعاتبهم أساساً، والشاطر هو من يدير الحوار جيداً ويخرج كل الاجابات من ضيفه وليس من يشن الهجوم عليه لمجرد ظهوره مع زميل أخر".