صندوق الصور
بقلم - مروه محمد جبريل:
جنب حيطة الزمن
صندوق صور مليان حروف
كل حرف بيداري الكسوف
عن مره عدت كنت فيها مشغول كتير
وسبت ذكرى جديدة جاية بتدقدق زى العصافير
ورميت صور كانت هتبقى جوه قلبى فرح بيطير
جوه خانه الساعات اللى فيها الوقت فات
ناس كتير بحبها بس مبقتش معانا
والوقت يقف جوه صندوق الزمن
ودموعه تجرى تفتكر
كل ضحكها ضحكها وكل كلمة قالها
جوه صندوق الزمن
والوقت فات
على بسمه طله من شباك الهوى
عن يوم فرحته لما كنا سوا
ميعاد مكتوب لكل حد فينا
صوت الغروب بيودع اسامينا
وتبقى ذكرى فى صندوق الصور
