الرئيس السيسي لوزير المالية : انت بتخاف على الفلوس جدا .. خلى قلبكم جامد وساعدوا الناس

وقال الرئيس السيسي، خلال افتتاحه المرحلة الثالثة من حي الأسمرات بمنطقة المقطم، اليوم الأحد: "عربيات البنزين الجديدة لن ترخص إلا بالغاز ومن حقنا كدولة ننظم ونحافظ على بلدنا وصحة شعبنا، والمواد اللى في بلدنا تستخدم"

.

ووجه الرئيس حديثه لوزير المالية الدكتور محمد معيط، قائلا: "خلى قلبكم جامد، وساعدوا الناس"، مطالبا الحكومة بضرورة تشجيع المواطنين على تحويل سياراتهم للعمل بالغاز الطبيعي.

وتابع: "مبادرات الدولة لا تمس الطبقات محدودة الدخل فقط، ولكن تمس الطبقات اللى فى أول سلم الطبقة المتوسطة، واللى عنده عربية بتكلفة مصاريف كتير.. نقول له هنقدر نساعدك تاخد قرض بأقل تكلفة ممكنة، بس ياريت العربية دى تكون مجهزة بالغاز لأنها توفر نصف تكاليف الوقود، وهذا الأمر ينطبق على الميكروباص أو العربات الملاكى أو التاكسي".

وفيما يتعلق بالفائدة، قال الرئيس السيسي: " أطالب الحكومة والبنوك بفائدة مخفضة.. فائدة منخفضة مش هتبقى كفاية، مليون مركبة تحويلهم من بنزين لغاز يتكلفون 8 مليارات جنيه؟.. يا وزير المالية أنت بتخاف على الفلوس أوى.. مليون عربية يتحولوا من بنزين لغاز بيكلفوا 8 مليارات جنيه.. لو عاوزين الناس تيجى معاكم لازم تنزلوا للناس أكتر من كدا.. طيب ما فائدة صفرية لو أمكن ببرامج محددة".

وأشار الرئيس إلى أن الانتهاء من 250 ألف مسكن للمناطق الخطرة قبل الإعلان عن دعوة حياة كريمة"، مؤكدا أن كل مواطن سيطلب الحصول على شقة سيحصل عليها فورًا.