الصيدليه
يوميات مهندس مشاكس
بقلم: تامر راغب
دخلت الصيدليه لقيت واحد واقف جمبي مستني العلاج بتاعه والدكتور عمال يقرأ في الروشته بتاعته .
المهم قدمت الروشته بتاعتي للدكتوره اللي واقفه .
ودار الحوار الاتي بين الدكتور والمريض اللي واقف جمبي .
الدكتور : هو حضرتك بتشتكي من ايه ؟.
المريض : هه .
الدكتور : بتشتكي من ايه ؟
المريض : حاطط ايده علي خده وعمال يبص للسقف .
الدكتور : يافندم ايه اللي واجع حضرتك ؟.
المريض : خطف نظره سريعه لي وبص في الارض وبدأ عليه الارتباك .
الدكتور : هو حضرتك ايه اللي بيوجعك ؟.
المريض : بعد ان ضاقت به الدنيا وباعلي صوته " بواسير يادكتور بواسيييييير " .
انا : مقدرتش امسك نفسي من الضحك
والراجل عمال يبصلي بغيظ لدرجه اني خفت الراجل يتعدي عليا بالضرب
أسعد الله اوقاتكم
ودمتم بخير
