رد نارى من مؤلف "النهاية" على اتهامه بسرقة العمل

حرص المؤلف عمرو سمير عاطف على الرد حول انتقادات سرقته لمسلسل النهاية الذي قام ببطولته يوسف الشريف وعرض في رمضان 2020.

وكتب عمر سمير عاطف عبر حسابه على "فيسبوك": "لغاية دلوقتي فيه تقريبا 12 واحد بيقولوا ان مسلسل النهاية متاخد من روايات هما كاتبينها والمواقع بتحب المواضيع دي قوي لانها بتعمل ترافيك والناس طبعًا بيبقوا مستنيين معركة وياسلام بقي لو طلع الموضوع حقيقي والله لو فضيحة وتبقي فرجة وتسالي بس انا ما بادخلش في معارك من النوع ده ومافيش عندى اى تعليق علي اي ادعاءات باستثناء الآتي: لو فيه حد معتقد ان المسلسل متاخد من شغله يتفضل فورا يلجأ للقانون ويرفع قضية.. عايز يتشهر ويلفت النظر يكمل مع المواقع والجرايد بس مهما قال مش ها نرد عليه عيش يا باشا بقي وخدلك يومين شهره ويمكن تبيعلك عشره عشرين او حتى الف نسخه كمان علي حس الموضوع ده حلال عليك لا ضغائن ولا حتى اهتمام والله".