دعاء القدر

بقلم: ياسمينا شاهين

الماضي لا بيتعوض و لا بيرجع

و التفكير فيه كتير بيجرح و يوجع

و المحاوله لتفسير أحداثه لا بتفيد و لا بتنفع !

و فكرة انك تلاقي حد تحكيله و يسمع

محتاجه دعم الهي لقلب بيعرف يتطمن و يخشع ...

من غير تفسير متحاولش تسأل

من غير تغيير تغيير متحاولش تتأمل

و من غير بداية الحكاية , عمر ما القصة هتكمل

و لا هتقدر تحل لغز الماضي و لا هتهتدا و تعقل !

العقد ملهاش تبرير

القليل منها زي الكتير

و لو دورت في أصل الحكاية

هتلف و ترجع لنفس المصير ..

ما هو أصل الحل في القناعة

الحل في مواجهة النفس بشجاعة

الحل في حكمة تكسبك مناعة

و قوة تحمل بيها تقضي علي اي اشاعه

و أرجع و أقول ان النهاردة أولى من امبارح

محتاجين نسمع لصوت الخير اللي بيدينا نصايح

محتاجين نتعلم و نتغير و نتصالح

نتصالح مع نفسنا

مع ظروفنا

مع كل لحظة تعبتنا

مع كل تجربة وجعتنا

مع خطوة في حياتنا عاندتنا

و نفتكر كل دقيقه حبتنا و فرحتنا

و في دنيا فيها العبر

نتعلم منصدقش كل خبر

نصدق ضميرنا

نصحي قلوبنا

ننور عقولنا

و في الآخر نآمن و نستسلم للقدر ...