نجم الأهلى بعد حلقة "الاختيار": تعلمت الدرس وجزمة أي جندي في الجيش فوق دماغي
تحدث لاعب منتخب مصر والنادي الأهلي السابق وائل رياض عبر صفحته بموقع فيسبوك وقال: سيبكم من قوة حلقة #الإختيار النهارده واستشهاد القائد #أحمد_منسي ، علشان من أول حلقة وناس كتير بتستشهد لا يقلوا عن #منسي حاجة علشان كلهم في الجنة ونعيمها، لكن اللي جه في بالي ان اللي بنشوفه في مسلسل ده بيحصل في الحقيقة كل يوم.
وأضاف وائل رياض: ناس قاعدة تدافع عن الارض والعرض ناس كل همها انك تعيش في امان، ناس بتنتظر الموت كل يوم في كمين قاعدين فيه واحنا قاعدين في بيوتنا امنين وبنتصارع في اشغالنا ومش داريانين باللي بيحصل ده واخرنا نقرا خبر ضرب كمين او استشهاد جنود نزعل ٣ ايام ونعمل حداد في التلفزيونات ونتهرس تاني مع دوامة الحياة ، من الاخر الدرس اللي اتعلمته من #الاختيار هو ان جيشنا احسن جيش في العالم وجزمة اي جندي في الجيش فوق دماغي ومصر هتفضل قوية غصب عن اي حد.
مسلسل "الاختيار" بطولة أمير كرارة وأحمد العوضي ودينا فؤاد وسارة عادل وضياء عبد الخالق وعدد كبير من ضيوف الشرف منهم محمد امام آسر ياسين ومحمد رجب واياد نصار وكريم محمود عبد العزيز وماجد المصرى وصلاح عبد الله ورامز أمير وحازم سمير ومحمد عز ومها نصار وآخرين وهو تأليف باهر دويدار وإخراج بيتر ميمى.
