وزير التعليم يحسم الجدل حول كيفية تسليم الأبحاث

شرح الدكتور طارق شوقي وزير التربية والتعليم في تسجيل صوتي له منذ قليل بعنوان القول الفصل في تسليم الأبحاث وأوضح أسهل طرق لتسليم الأبحاث بدون تعقيدات أو عراقيل، لمن يريد أن يهون على نفسه وعلى ابنه.

وأكد شوقي في التسجيل قائلا أولا: أي مدير مدرسة بيطالبك بحاجة الوزارة مطلبتهاش متعملهاش عادي جدا لو الطالب سلم البحث ورقيا للمدرسة بدون تحويله إلى نسخة "بي دي إف"، حتى لو كان مكتوب بخط إيده على ورقة "فلوسكاب"، وممكن برضو يحول البحث من ورقة عادية إلى نسخة "بي دي إف" ويطبعه ويسلمه للمدرسة مطبوع ومحطوط جوه ظرف ويكتب عليه رقمه التعريفي (الكود) مع كتابة الصف الدراسي.

واكمل الوزير وعلشان محدش يعقدك ولا يقولك كلام مش حقيقي وانت تصدقه وتحتار، "لو عايز تحول البحث الورقي بي دي إف، أهلا وسهلا، لو عايز تسلمه ورق عادي في ظرف برضو أهلا وسهلا، لو عايز ترفعه على المنصة بعد تحويله إلى نسخة بي دي إف، حتى من خلال الهاتف المحول مفيش مشكلة، لو عايز تصوره وترفعه على المنصة من غير ما تحوله لنسخة بي دي إف، برضو أهلا وسهلا، المهم محدش يرهق نفسه ولا يضغط على أعصابه.. اعمل اللي يريحك ويناسب ظروفك بس لو تقدر ترفعه على المنصة بأي طريقة يكون أفضل، ولو مش هتعرف سلمه ورقي بأسهل طريقة".