المشاعر.. والاحساس
ساعات الواحد بتيجي علي فتره لامبالاه من كل حاجه وخاصه لما تكون اتوجعت واتألمت اووووووي لما الطرف اللي ادامك يتفه مشاعرك ويتفه إحساسك بيجي عليك الوقت اللي بتقول فيه خلاص مش عارف اكمل بالطريقه دي وتبدأ تتغير وبعد ماتتغير يبدأ يسأل يبدأ يفوق لكن خلاص بعد مااستهلكت خلاص بعد مامشاعرك وإحساسك من ناحيته نفذت خلاص.
دايما بنعرف قيمه اللي ادامنا بعد ماخلاص يمشي بعد مايخرج من حياتنا حتي لو هو في حياتنا بيبقي خلاص عنده برود عنده لامبالاه عنده تبلد في المشاعر دايما احساس ان اللي ادامك ده بيسامح دايما ان اللي ادامك مابيشتكيش ان اللي ادامك ده بيتحمل فوق طاقته وبيسكت بس هيجي عليه وقت وهينفجر هيجي عليه الوقت اللي مش هيحس بوجودك اصلا هيجي عليه الوقت ويبقي عنده لا مبالاه عشان كده بلاش تختبروا مشاعر حد بانك تتجاهله لان في المقابل هو كمان هيكون عنده لامبالاه وتبلد وأنه مش شايفك اصلا.
بقلم - صابرين جابر:
