رساله رمضانيه

الحياة دايما فيها الحلو والمر..طول ما احنا عايشين هنتحط ف امتحانات ربنا اللي هي عبارة عن مشاكل او ابتلاءات..من اصغر مشكلة ل اكبر مشكلة..والحقيقة ان التفكير الكتير متعب جداً !

..بس بردوا ف حاجة أحسن وحكمة اجمل من اللي بيحصلك..ان ذنوبك بتتغفر اها والله بتتغفر..يقول الرسول صلى الله عليه وسلم :"ما يصيب المسلم من نصب، ولا وصب، ولا هم ، ولا حزن ،ولا أذي، ولا غم، حتى الشوكة يشاكها؛ إِلا كفر الله بها من خطاياه"..ريح قلبك وبالك وخليها على الله..كل حاجة إنت شايل همها هتتحل بعون الله وقدرته..كل دعوة دعيتها فيها خير ليك ربنا هيستجيب في الوقت المناسب..ياما حاجات كتير اتمنيناها ومجتش وحمدنا ربنا بعدها كتير إنها محصلتش..اللي نفسك يحبوك هيحبوك لو فيك عيوب الدنيا..المشكلة اللي بتفكر فيها طول الوقت مش هتتحل بالتفكير الكتير..هتتحل بالعمل والدعاء والتوكل على الله..و اول لما تحس انك هتيأس من الدُعاء لانه مبيستجابش وهتبطل تدعي اعرف ان دعوتك علي طراطيف الاستجابة لكن الشيطان عاوز يلهيك ويشغلك ويخليك تيأس..

يهونها ربنا عليك..ويسعدك دايما..وع جبر خاطرك قادر..

الله_مجيب..

احمد صلاح محروس

جامعة بنها..محافظة القليوبية