ايناس عز الدين توجه رسالة للجمهور بعد إصابتها بكورونا

وجهت الفنانة إيناس عز الدين، رسائل تحذيرية لجمهورها بعدما أعلنت إصابتها منذ قليل بفيروس كورونا المستجد الذى تفشى فى العالم.

وقالت إيناس من خلال فيديو نشرته عبر حسابها الشخصي على ال “الفيسبوك”: “مفيش حد يقدر ينكر إجراءات وزارة الصحة ضد فيروس كورونا ولكن عند تساؤلات كثيرة مش ينفع تتجاهلها لأنها هى اللى وصلت للعدد الكبير اللى وصلت مصر فيه دلوقتى احنا تخطينا 600 حالة وده عدد مش قليل ،مشكلتنا أن بدأنا الإجراءات الوقاية متأخر شوية”.

وأضافت :” المشكلة الأكبر الأتصال بالأرقام الموجهة من الوزارة عن إبلاغ بالحالات معظم الأرقام مش بترد أو مشغول دايما، تحاليل فيروس كورونا غالية جدا ناس كتير من المصريين مش هتقدر على فلوسها تحليل الفيروس ب1000 ألف جنيه “.

وتابعت :” لما حد عنده الأعراض بالفيروس و يتصل بالوزارة للأسف بيكون رد الوزارة لو مافيش حراره وكحه ناشفه يبقى أنت كده كويس خليك في البيت، مافيش حاجة اسمها كده، أنا مش كنت حابه اتكلم فى نقطة دى، بس أنا تعبانة و جالى الفيروس من المغرب من ٣ اسابيع “.

وأوضحت:” الموضوع مش هزار ومش زى ما الناس بتكلم دى مؤامرات أنا مش طالعه أقول ان عندى الفيروس عشان ابقى تريند المرض مش في إيداع وده قضاء ربنا، وبأكد ليكوا أنا واحدة مصابة بالفيروس ومش عندى حرارة بس عندى باقى الأعراض مش كل حاجة بتيجى بنفس الاعراض بتختلف من جسم لتانى على حسب درجة الإصابة “.