تعرض الفنانة فريدة سيف النصر لوعكة صحية للمرة الرابعة

تعرضت الفنانة فريدة سيف النصر، لوعكة صحية شديدة، أدت لتورم وجهها وتغير ملامحها، وتكررت الوعكة للمرة الرابعة وأصيب وجهها.

وكشفت الفنانة تفاصيل مرضها، وطالبت جمهورها بالدعاء لها، وذلك عبر حسابها الخاص على “فيس بوك”: “ممكن تدعوا لي من قلبكم بجد أول مرة أبكي زي الأطفال أنا أصلا باتحمل لكن مش قادرة.. ده مش ماكياج ده وشي بدون سابق إنذار صحيت بأصوت نص الليل ودي رابع مرة يحصل لي حاجة غريبة في وشي وأكون باشتغل يعني مش وقته”.

وأضافت: “أستغفر الله أحسن من غيرنا سامحني والنبي اللهم لا اعتراض.. عاملة زى الكورة الكفر عينيه مقفولة وبوقي مدلدل حتي حواجبي وارمة يخرب بيت كده أنا أديتكم نص الوش علشان حقيقي مش أنا رعب والله تغيير سريع سبحان الله والحمدلله مش هزار تحت أسنان سليمة 4 خراريج أزاي مش عارفين”.

وتابعت: “عملنا بانوراما كاملة والدكتور مستني الالتهاب يروح والورم بحقن الفنتيرن قوية وأوجمنتين وبعدين يقرر في أيه؟ هو نفسه بيسأل في إيه؟ هو أنا اللي ها عرف يادكتور.. وطبعا الفليكتور منيمني علي روحي لأن الألم الحمد لله مايتحملوش الا حد مستسلم لإرادة ربنا ويشكره”.

وتحدثت عن موقفها من الشغل أثناء مرضها: “لمشكلة الشغل ومافيش وقت لاحول ولاقوة الابالله..لا زم يصوروا من غيري وانا وافقت هاعمل أيه؟؟ قدر الله وماشاء فعل حاضر حبيبي يا ربنا كل اللي تجيبه راضية والحمد لله هو مابيجيبش حاجه وحشه ابدا قضا اخف من قضا لو هافدي الغاليين كلهم أنا جاهزه.. ادعولي.. آسفه علي الصورة بس أنتم حبايبي وهاتتحملوا ده أنا لسه منزله بالصفحة لايف بالنظارة الفراشة إمبارح باين طلعت فراشه ملوثة”.