ابن النيل

يوميات مهندس مشاكس

بقلم: تامر راغب

( من ذكرياتي في السودان # ٤ )

كنت لسه في اوائل ايامي في السودان بحب انزل اتمشي علشان اعرف الاماكن هناك .

بس لاحظت اني كل ما امشي شويه الاقي حد بيزعق عليا بصوت عالي قائلا " يا ابن النيل "

ابص بترقب وحذر الاقي اللي بيقولي كده يمشي عادي ولا كأن في حاجه حصلت

الموضوع اتكرر كتير قولت اكيد انا بعمل حاجه غلط وهم كده بيزعقوا علشان متضايقين

لما روحت الشغل تاني يوم اشتكيت لزميل لي سوداني قولتله معرفشي الناس هنا مضايقين مني ليه

كل شويه في الشارع حد يقولي
يا ابن النيل
يا ابن النيل

لقيته بيضحك قوي وقالي يابشمهندس دول كده بيحييوك يعني احنا وانتم اولاد نيل واحد .

الحمد لله طلعت مش شتيمه

أسعد الله أوقاتكم
ودمتم بخير