نقطة .. ومن أول السطر

كلمات المستشارة: عبير النجار

نعرف مين ..
وعاشرنا مين ..
دول ناس بايعين ..
ومش باقيين ..
بتقولوا ايه .....
عشرة سنين !!!
قولولهم هما ..
فكروهم هما ..
بتقولولنا إحنا !!!
ما احنا فاكرين
ومش ناسيين ..
الدور والباقي ..
علي الخاينين ..
الغدارين ..
اللي باعونا ..
في غمضة عين ..
عيش مين ..
وملح مين ..
صلوا علي النبي
طيب وحياة والديكم
وخلونا ساكتين ..
عارفين زمان ..
وأيام زمان ..
كان ناقص ..
اننا نديهم ..
نور العين ..
و ف الاخر
إحنا الوحشين
وعلشان كده بنقول
نقطة ..
ومن اول السطر
كفاية كده ..
احسن خلاص
النفس شاااالت ..
و تعبت اوي ..
من اللي عشنا علشان
نراضيهم ..
وفي شدتهم ..
نقف معاهم ..
ونواسيهم ..
وفي الاخر ..
محناش عاجبين ..
و عجبي عليكم ..
يا بني آدمين ..