تعليق صادم من فنانة شهيرة عن حياتها الزوجية .. " حياتنا مش حلوة باستمرار"

علقت الفنانة علا رشدي على تأثير مواقع التواصل الاجتماعي على الجيل الجديد من الشباب والمراهقين، ومدى انبهارهم بما يرونه في حياة المشاهير عبر هذه المواقع.

وجهت علا عبر حسابها على انستجرام، رسالة لهؤلاء الشباب مؤكدة أن ما يرونه على السوشيال ميديا ليس حقيقيا في أغلب الأوقات، قائلة: "مش كل صورة تشوفوها تصدقوا إن ده الواقع اللي البني آدم ده عايش فيه طول حياته.. مش عشان حاطه ميكب وعامله شعرها ولابسة حلو جدا وشادة وشها تبقا حياتها حلوة.. دي بتقلع كل ده بعد الصورة ما تخلص وتبقا عادية".

تابعت: "متتأثروش بالناس دي وتقولوا يارتني كنت زيهم ازاي حياتهم حلوة كده وازاي صورهم حلوة كده أكيد عايشين حياة حلوة.. مفيش حد عايش الحياة بالشكل ده كل الناس عندها مشاكل وبتكتئب وبتبقا تعيسة وشكلها مش مبسوط عادي.. في أيام حلوة وأيام وحشة.. مفيش حد حياته حلوة طول الوقت.. لكن السوشيال ميديا للاسف مش بيبان عليها الأوقات الصعبة".