الحوار والتفاهم
ربنا لما خلقنا كرمنا عن باقي الخلق وميزنا بالعقل عشان نفكر واهم حاجه بقي الحوار والتفاهم اللي لازم يكونوا موجودين في حياتنا الحوار اللي بقي نادرا بقي موجود دلوقتي بقينا ساكتين طول الوقت.
مافيش لغه حوار كل واحد بقي في حاله فين الدردشة راح فين الكلام حتي لما بنيجي نتكلم ياما بننتقض او نعترض مافيش تفاهم.
مافيش انك تتقبل وجهه نظري وأنا افهم وجهه نظرك لازم نرجع تاني الحوار لازم يكون مابينا تفاهم عشان نرجع تاني قريبين من بعض فين ولاد الخاله والعمه اللي أسرارهم مع بعض فين صاحبتي الجدعه اللي اقعد اتكلم معاها بالساعات عن كل تفصيله في حياتي فين اختي اللي اقعد اشكيلها همي فين اخويا اللي ارمي عليه همومي راحت فين حواراتنا بقينا طول الوقت ساكتين مهمومين.
رجعوا تاني الفضفضة والحوار رجعوا تاني التفاهم اللي هيخلينا مبسوطين الحوار والتفاهم هترجع لينا مشاعر الحب والسعادة اللي بقينا مفتقدينها رجعوا تاني التفاهم والحوار اللي هيقلل الحده في الحوار اتكلموا تحاورا فضفضوا اعترضوا كل ده هيخليك دايما مبسوط لانك ببساطه هتكون قريب من الناس اللي بتحبهم.
الحوار والتفاهم لازم يبقوا موجودين في جميع علاقاتنا.
بقلم - صابرين جابر:
