ازاى تقدر تنسى شخص "باعك"؟!
من الاجابات ما اكد ضرورة اللجوء لله بالدعاء مثل:
هتدعي في كل صلاه اللهم أعني على نسيان ما لا استطيع نسيانه بس مش تزهقي ان شاءالله يستجيب.
ومنها ما حاول الرد بشكل كوميدى للتخفيف عنها مثل:
راح قرد ياجى غزال قولنا
اما كل الاجابات فكانت عقلانية ومنطقية تضمنت:
- مع الوقت بتنسي ومواقف بعد كده اناللي حصل ده من حب ربنا ليكي
- امسحي كل الذكريات اللي بينك وبينه وهاتي ورقة واكتبى فيها المميزات والعيوب إللى فيه واكتبي الحاجات اللي وجعتك وكسرتك فيها هتلاقي عيوبه اكتر وهتحتقريه.
- كلمي صحابك كتير، اشغلي نفسك وأخرجي وخلى ليكي حد من صحابك يكون مميز وتبقى عارفه انك لما تحتاجيه تكلميه هتلاقيها.
- الوقت بينسي مهما تحس انك مش هتقدر تنسي
- افتكري قد ايه عملتي علشانه وملقتهوش وقت شدتك وانتي هتقدرى ان شاء الله
- الوقت بينسى كل حاجة وبيرجع كل حاجة مضبوطة
الأفضل طبعا إنك تبعدى عن أى مكان الشخص ده متواجد فيه و تبعدى عن وسيلة تواصل بينكم.
- مع الوقت عادي ولما تلاقي جنبك ناس بتحبك بجد وسند فعلا
- اولا لازم تعرفي ان كل ده نصيب ممكن يكون حصل كده عشان خير ليكى ومع الوقت هاتنسي خالص وهاترتبطى بغيره وتفضلي تضحكى على نفسك انك ازاى زعلانه انه سابك
- كل ما تفكري في الشخص افتكري الكلام دا والمواقف الوحشه ووجع القلب قسي قلبك من الاخر
- افتكري انه باعك هتكرهيه مع الوقت بصي علي كرامتك كده هتلاقي نفسك بتهيني كرامتك انك فكرتي في واحد باعك.
