عاتب .. وسامح
عاتب وطلع اللي جواك ماتشيلش اكتر من اللازم خليهم يعرفوا انهم بيغلطوا فيك خليهم يحسوا انهم بيتعبوك ماترهقش نفسك اصلك انت بشر بتحس حسسهم انهم مقصرين في حقك حسسهم انهم غلطوا فيك هي ده غلطتي طيبتي وتحملي غلطتي باني بسكت.
وأقول خلاص واهي بتعدي لازم تعاتب وتتكلم عشان انت تهمني وغالي عندي العتاب يعني المصارحه لو لاقيت اللي يصارحك اهتم بيه واتمسك بيه أوعي تخسره لانه ببساطه بيحبك بلاش تخسر حد حبك من قلبه عاتب بس خليك ذكي وعاتب بس ماتخسرش بس لو تجاهلتك يبقي خلاص اعرف انك انتهيت من حياتي.
عاتب اللي بتحبهم وعرفهم انك خايف ان في يوم تخسرهم خايف علي زعلهم انك تعاتب حد يعني بتحبه بس معاتبه بشياكه بلاش نغلط في بعض خلينا نعرف بعض غلطاتنا خلينا نعرف بعض اللي بيزعلنا عشان مانكررش الغلط وخلينا نسامح بعض.
اصل احنا بشر هنغلط ونعاتب ونتصالح خلينا نتعاتب احسن مااشيل جوايا وماعرفش اسامح.
بقلم - صابرين جابر :
