والدة محمد الشرنوبى تشن هجوما شرسا على أمل رزق

أثارت الفنانة أمل رزق جدلا كبيرا مؤخرا، عقب تداول تصريحات لها عن الفنان محمد الشرنوبي، خطيب ابنتها لمى كتكت السابق، والتي أكدت فيها أن ما يتعرض له الشرنوبي حاليا هو ذنب كل شخص دخل بيت لم يعرف قيمته، لافتة إلى أنها لم تتعاطف معه مطلقا في أزمة إيقافه الأخيرة.

من جانبها ردت والدة الشرنوبي على هذه التصريحات عبر حسابها على فيس بوك قائلة: "بجد اترددت كتير قبل ما أنزل البوست بس بجد الكلام جيه قدامي بالصدفة، أنتي بتجيبي سيرة شرنوبي ليه بعد 4 سنين من فسخ قراءة الفاتحة.. على فكرة مفيش حاجة تشتمي عليها وممكن الكل يدخل على البوست ويشوف الكومنتات اللي مكتوبة هيعرف مين شرنوبي ومين أنتي".

تابعت: "وعلى فكرة إحنا ناس متربية جدا جدا وكان ممكن أرد صح عليكي واقولك مين اللي مش بيقدر البيوت المحترمة ومين اللي ساب مين!!! بس أنا أكبر بكتير من إني أرد على كلام ملوش معنى والردود اللي على البوست كانت كفيلة ترد عليكي".

يذكر أن خطوبة لمى كتكت على محمد الشرنوبي تمت في فبراير 2016، واستمرت لمدة 8 شهور قبل إعلان انفصالهما.