فتافيت إنسان

شعر :سوزان كمال

--------------

الناسْ
على سطح الأرض
عمَّاله تْقِلْ تقل تقل
وجداول خايبه تقول بنزيـد
بنزيـد أرقام / حكايات / حواديت
ونـْخِـسْ نـْفوس
بنزيد شهره !!زرت
بنزيد منصب !!
ونفوذ وفلوس !!
جري الأراجوز - شقيان ووحيد -
ورا كون بيلف على الفاضي
فنبان فى الصوره ساعات
أحرار
مع إن الأصل
سِياد وعبيد .....
الناسْ
على كف الدنيا
يادوب تتعد
مين وقت الجد يمد الإيد ؟!!
مرايات الدنيا إزاز معكوس
فتلاقي وشوش الأرض سما
وملايكه وحور وقصور
من بره بتلمع حب
وتشوف جواها
الليل حالِك
وتشوف جواها نهار مغشوش
الناس لو تسأل عن حالك
قوول : ماشي الحال
طبطب على قلب اللي يقابلك
حِبّو وصدَّقو لو بيحبك
مش ذنبه ان ريموت الدنيا
حَـدَفُه على ناصية كون ضلمه
عطشان لأمان
وانه يا دوبك
فتافيت إنسان ..