حتى لا ننسى.. مرسي وطائر النهضة..أكبر فنكوش فى تاريخ مصر

كتب- محمد الكريتى :

عباقرة الاقتصاد الاخوانى ..تتذكرون آدم سيمث الاخوانى خيرت الشاطر عندما بشرنا بمشروع النهضة اللى طلع فى الاخر '' فنكوش'' وجاء مرسي يكحلها قام عملها وقال ان المشروع عبارة عن طائر له ريس وجناحين وبيطير'' سبحان الله ..تكبير'' الله يمسيك بالخير كنت مسلينا والله.

خيرت الشاطر الرجل الذى قالوا عنه انه من كبار رجال الأعمال ..'' أعمال ايه اللى انتوا بتقولوا عليه ده كان آخره تاجر شنطة بيجيب شوية توكيلات ويجى بيعها جوه مصر.

اما بقى كارل ماركس الاخوان حسن مالك اللى كان أشهر حاجه خاصه به توكيل محلات استقبال التركى'' بتاع العفش''..وسعودى بقا بسم الله ماشاء الله كان بقال كبير.

اقسم بالله لولا فلوس الاشتراكات اللى كان بيدفعها أعضاء الجماعة على الفلوس اللى بتتحول لهم من التنظيم الدولى للإخوان ما كانوا هيعرفوا ''يفتحوا كشك سجائر'' .

انا راضى ذمتكم ومستعد اراهنكم وتجاوبونى على السؤال ده..اذكر اسم عالم اخوانى واحد فقط نفع البشرية او حتى مصر منذ نشأة جماعة الإرهاب خلال عشرينيات القرن المنقضي.