رسالة رمضانية .. الرزق الإنسان
الرزق غير مقتصر علي الشهادة..ممكن تكون شهادتك بسيطة ورزقك عظيم ..أهم شيء تجتهد..و الرزق جاي..خلفت ولد هيجي برزقه..
سيبت شغلك أكيد ربنا هيفتحلك باب جديد..فركشتي مع الإنسان اللي مرتبطة بيه ده لأن ربنا محوشلك شخص أفضل وأنسب..العوض من ربنا..وعوض الله ملهوش حدود..أنجح وأغني شخصيات في العالم الحديث كتير منهم مكملوش تعليمهم..ربنا تبارك وتعالي : مقالش وفي الشهادة رزقكم..او وفي الشغلانة الفلانية رزقكم ..لكنه قال : وفي السماء رزقكم وما توعدون..ولو الدنيا مطرت في قرية مثلاً مستحيل تنزل المطرة علي بيت وتسيب البيت التاني لكنها بتنزل علي جميع بيوت القرية والرزق زي المطرة وإحنا بيوت وأكيد هيبقي لنا من مطرة الرزق نصيب..
وممكن الرزق يكون في بنت تحبك..في صاحب ميهدالوش بال إلا لما يطمن عليك..في راحة بال وجسم سليم..ربنا يرزقك من كُل شيء وميحرمكش من شيء..ودايما حط مقولة الشيخ الشعراوي قصاد عنيك " لا يقلق من له أب..فكيف يقلق من له رب ؟ "
