عقب ازمتها الاخيرة .. شيرين عبد الوهاب توجه رسالة للشعب المصرى على الفيسبوك .. بالصور

وجهت الفنانة شيرين عبد الوهاب رسالة الى الشعب المصرى على خلفية الازمة الاخيرة التى تعرضت لها عقب تصريحها المثير للجدل الذى صرحت به فى حفل بدولة البحرين

وجهت الفنانة شيرين عبد الوهاب رسالة الى الشعب المصرى على خلفية الازمة الاخيرة التى تعرضت لها عقب تصريحها المثير للجدل الذى صرحت به فى حفل بدولة البحرين.

كتبت شيرين على صفحتها بالفيسبوك: "عاوزة أتكلم من قلبي مع كل واحد من أهل بلدي الحبيبة، ومن أهلي وأصدقائي وزملائي؛ اللي قدروا يفهموا ويصدقوا إني لا يمكن أسيء لبلادي اللي أنا كلي من خيرها ولا يمكن أنكر فضلها عليا، بجد باشكركم وباحبكم، وبعتذر للي أساء فهم كلامي من كل قلبي.

بالنسبة للقنوات المأجورة من خارج مصر، اللي خدت كلامي وخرجته عن سياقه تماماً وحاولت تستغله ضد بلدي؛ بقولهم أن بلدي خط أحمر، وعمركم ما هاتفرقوا بيني وبينها.

أحب أوضح لكل الناس اللي حقهم يعرفوا إن ما كُتب عني في الصحافة ونسب لي غير صحيح بالمرة، وتقدروا تتحقوا من صحة كلامي من الفيديو الموجود مع إنه ممنتچ عن قصد علشان يطلعني غلطانة.

ما قيل على لسان النقابة والصحافة إني قلت (أنا هنا أتكلم براحتي عشان اللي بيتكلم في مصر بيتحبس)، وطبعاً ده مش حقيقي، وماقلتهوش، لأن الكلمة بتفرق!

اللي قلته نصاً وهو موجود بالفيديو "أنا هنا أتكلم براحتي عشان في مصر ممكن يسجنوني" - فيه فرق كبير بين الجملتين!

أنا كنت بتكلم عن موقف شخصي لما هزرت علي المسرح من قبل ورُفعت عليا دعاوى وصدر حكم بسجني سنة وسددت كفالة، واستأنفت واتلغى الحكم في الاستئناف! وبعدين اترفع عليا جنحة مباشرة عن نفس الواقعة، واتحكم فيها بعدم اختصاص القضاء المصري بما وقع في الشارقة؛ هذا ما كنت أقصده والله أعلم بالنوايا.

بحبك يابلدي مهما حصل، ودايماً #تحيا_مصر