دعوه للحب
شعر : ناديه ذكي
لما تقــابلــوا الحـــب مـــره
ابقــوا افــتكـــروا كل مـــره
انه بييجـــى بــــس
وياريتنــا نــــحافــظ علـــيه
لما بييــجى بييــجى فجــاه
كأنه داخـــل فيـــك مســابقة
الجميـــع و كـــل طبقــه
مــاســك الكــل فــــ ايـديـــه
لو تلاقـــى الحـــب جـــالك
امسك اوعى تكون فى حالك
هو دايمــــا رأس مــالك
ده اللى بيحبــك راضـيـــه
يحلـــى فيه طعـــم الحيـــاه
م الهمــوم هــــو النجـــاه
الربــيـــع فتح مـعـــاه
عطــر فايــح بيـــن ايديه
ليه تقول للحب بكــــره
او تسيبــه يبقـــى ذكــــرى
اصل كــــل الحـــب فكــره
للفقيــــر او حتـــى بيــه
هــــو لـــه كــتير معـــانى
بس مش لوعة الاغانــى
بس شوفه بعين زمانى
جوا منك بتـــلاقيـــه
شوف جمـــاله فالــطيـــور
جوا بستان الزهــور
كل نمـــله فــ الجحــــور
عارفه معنــى الحــب ايــــه
شوفـــ جمالــه وسط اســره
تكون اصيله بينها عشره
مـــــن دهب متكونش قشـره
هـــو ده اجــمـــل بوكيـــه
شوفه اجمل بيـــن زمــايــل
مش نفاق ده العمــر زايـــل
مهما اشوفـــ منكــم عمــايل
دايمــا اسأل غيبتـــوا ليــه
هو مش همس و غــــرام
او معاملـــة والســـلام
وصــى بيــه خير الانــام
صلـــى رب الكون عليـــه
رب الناس هـــو الهــــى
هـــو عــزى وهـــو جاهــــى
حبى لله اتجاهـــى
والختام كان مسك بيه
