كلمه مكتوبه فى سطور

بقلم / عبد الجواد حربى

واللى كان عايش بقلبه
قصه من اجمل مواقف
واللى كان جنبه وواقف
واللى كان يكتب كلامه بالطرائف
كل دول كان شخص واحد

والخيال جواه بيشرح ليه مواقف
حب عايش من سنين
جرح اعمق م الحنين
خوف بيكبر م اللى جاى
والطريق مليان متاعب
حب يتعب كل شيء
حتى همه اللى فى خياله
برضوا واقف فى الطريق

واللى جوا عيونه ضحكه
رسمه فرحه ع الجبين
واللى حالف أن عمره
ماخان فى يوم حب وحنين
واللى فاكر غصب عنه
ضحكه حلوه للحبيب جوا دمعه مغمسه بجرح الفراق
واللى شايل هم غيره وايا همه طول الطريق
كل دول جوا الخيال متمسكين. بشعاع امل
نوره بسيط
فجأة طلع الصبح شقشق
والطريق انتهى والنور عم المكان
والخيال اللى فى عيون الجميع فجأة بان
كل دا كان حلم ومضي
واللى كان باقى منه فى الكتاب
كلمه مكتوبه فى سطور