يوميات طفل برئ
أرجوك يا بابا إسمع منى
وكفايه ليه بس تهنى
بقلم / أحمد إبراهيم خليل
أرجوك يا بابا إسمع منى
وكفايه ليه بس تهنى
لو غلطت يا بابا علمنى
وإقعد معايا ليه تسبنى
وإنتى يا ماما على مهلك
إيدك سابقه ليه عقلك
لا أنا فى سنك ولا أدك
إبنك يا ماما ومحتاجلك
الكل ليه جاى عليّ
وأنا طفل برئ صافى النيه
التربيه دى علم ودراسه
مش ضرب لحد الصبحيه
كل شئ يا عيب يا حرام
مش مسموح أى كلام
مش مسموح حتى أفكر
وبتحاسبونى على الأحلام
