حب كبير

بقلم / أحمد إبراهيم خليل

حبيتك حب كبير مقدرتيش
اخترت يا روحى معاكى بس أعيش

كنتى الماضى وحلم الحاضر
كل كلامك أقولك حاضر
كنت عشانك دايما أخاطر
بس إنتى حبيبتى مفهمتيش

كنت بحبك حب جنون
كان الصعب معاكى يهون
كنتى عندى بكل الكون
بس إنتى حبيبتى محستنيش

عمرى في حبى ما كنت ضعيف
كنت معاكى نسمة في صيف
وأنا وياكى ربيعى خريف
بس إنتى خلاص متعلمتيش

كنت معاكى لازم هتغير
كبرت خلاص مبقتش صغير
شايف حالك كله يحير
بس أنا يا حبيبتى مبكرهكيش