جيهان الشماشرجي: اشتغلت كول سنتر وكنت بعمل شاي وقهوة

كشفت الفنانة جيهان الشماشيرجي عن امتهانها أكثر من عمل قبل دخولها عالم التمثيل، قائلة أنها عملت كول سنتر أثناء دراستها في الجامعة، كما عملت في صناعة الحُلي لمدة 15 سنة قائلة "كان عندي ورشة خاصة بي أعمل فيها بمفردي دون مساعدة من أحد، أقوم بكل شيء، كنت أرسم التصميم وأنفذه حتى يخرج بالشكل الذي يباع في السوق".

وعن بداية معرفتها بصناعة الحُلي، قالت جيهان الشماشيرجي: "قابلت حد عنده ورشة في حارة اليهود، وقولتله عايزة أتعلم عندك فالراجل رفض وقالي (احنا صنايعية في ورشة صغيرة وانتي كمان لسه صغيرة مش هينفع)، وقعدت أذن عليه لحد ما اتفقت معاه اني أشتغل في ورشته أعمل شاي وقهوة للصنايعية عشان أتفرج عليهم وهم بيشتغلوا، لحد ما واحد من الصنايعية عمل حادثة بالموتوسيكل وإيده اتكسرت فقولت أقعد مكانه بقى، فالراجل قالي (هاتي عدتك واشتغلي)، وبقيت أشتغل معاهم، وقعدت أشتغل معاهم لمدة 9 شهور".