رامي إمام يكشف تطورات الحالة الصحية للزعيم

طمأن المخرج رامي إمام نجل الزعيم عادل إمام جمهوره ومحبيه على حالته الصحية متحدثًا عن الشائعات التي تلاحقه من فترة لأخرى مؤكدًا أنه يتمتع بصحة جيدة ويستمتع بحياته مع أحفاده.

قال رامي إمام خلال لقائه مع برنامج et بالعربي: أنا مش محتاج أطلع أطمن الناس على الزعيم عادل إمام كل شويه لأنه مفيهوش حاجة، إحنا طول عمرنا من وقت ما كنت صغير أنا واخواتي وإحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي وطبعا مع الوقت الشائعات بتتغير.

أضاف: الناس بتقول أنه أكيد مريض لكن طبعا لا هو كويس جدا جدا جدا وبيستمتع مع أحفاده والشائعات مش بتأثر فينا لإننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم إن الحاجات دي طبيعية.