شيرين عبد الوهاب تحذر: الكل يلزم حدوده ومحدش يجيب سيرتي
أكدت النجمة شيرين عبد الوهاب أن أزمتها مع إحدي الشركات مؤامرة مشيرة أنها لن تتوقف عن الغناء.
وقالت شيرين عبد الوهاب في مداخلة هاتفية مع الإعلامي عمرو أديب في برنامج "الحكاية" المذاع عبر قناة MBC مصر: "في مؤامرة إني أقعد في البيت، وأنا كنت ساكتة وقاعدة زي خيبتها، لكن صوتي مش هيتقطع أبدا، وهفضل راكبة القطر بتاعي ومفيش حد هيعرف يوقفه".
وأضافت: "أناشد القضاء المصري زي ما حكم لهم بالغلط ياخدوا مني 8 مليون جنيه بالسرعة دي أنا كمان القضايا اللي رفعتها يتحكم فيها بسرعة لأن ليا حق".
وتابعت ساخرة: "مش عارفة اتحكم لهم إزاي بـ 8 مليون جنيه والمحامي بتاعي موجود، لكن أنا فلوسي كتير، خليني أفنجر عليهم مفيش مشكلة".
وأشارت شيرين عبد الوهاب أنها ترفض العمل تحت مبدأ الاحتكار الفني قائلة: "أنا ماضية دلوقتي مع شركة ربنا، هو اللي منجحني ومش محتاجة شركات، ومبسوطة كده آخر انبساط".
ولفتتت: "مش هبقى حكر لحد تاني أنا كبرت عن كده أوي، ومن 16 سنة دفعت لأستاذ نصر محروس 3 ونص مليون جنيه مع إني كنت عاملة نص عقدي، وإديتهم الشرط الجزائي وروحت روتانا، دلوقتي الكل يلزم حدوده ومحدش يجيب سيرتي، أنا فنانة كبيرة أوي".
- شيرين عبد الوهاب
- شيرين عبد الوهاب قديم
- خطوبة شيرين عبد الوهاب
- شيرين عبد الوهاب اغاني
- شيرين عبد الوهاب وحسام حبيب
- شيرين قديم
- زواج شيرين عبد الوهاب
- شيرين عبد الوهاب 2024
- حفلة شيرين عبد الوهاب
- شيرين عبد الوهاب مشاعر
- ارتباط شيرين عبد الوهاب
- شيرين عبد الوهاب جرح تاني
- شيرين عبد الوهاب المستشفى
- عبد الوهاب
- شيرين عبد الوهاب كان يا مكان