ابراهيم فايق للنادي الأهلي : "سايبين التتويج وبيتخانقوا"

وجة الإعلامي ابراهيم فايق رسالة نارية للنادي الأهلي بعد أزماته الأخيرة بشأن صفقات الموسم الجديد .

وقال إبراهيم فايق: ‏تحسد مشاكل جمهور الأهلي لو بصيت لها من زاوية بعيدة شوية.. تعالى أوريك.

وتابع إبراهيم فايق : ‏فريق واخد إفريقيا.. معاه مدرب كبير بتاع بطولات.. وعامل سلسلة انتصارات عظيمة.. فريق عنده أفضل ٣ حراس مرمى في مصر.. وعلى شفا التتويج ببطولة الدوري بعد ماراثون ساخن وقوي.

واستكمل إبراهيم فايق : ‏سايبين التتويج بقى بالبطولة اللي جات بتعب وارهاق وبيتخانقوا على صفقات الموسم الجديد وكولر قال متضايق والوكيل الفلاني قال معرفش ايه.. وشد جذب بين ايه اللي المفروض يتعمل واللي كان بيتعمل في سنين سابقة.

‏وأضاف إبراهيم فايق: شوفت الزاوية دي.. حالة قابله جدا للحسد عزيزي المتابع.. اللي هو لسان حال المنافسين يدينا زي مشاكلكم كده .