ياسمين عز عن شائعة انفصال السقا وزوجتة: " كدبة أبريل"

خلال برنامجها " كلام الناس"

علقت الإعلامية ياسمين عز على ما تردد بشأن أنفصال الفنان أحمد السقا والإعلامية مها الصغير والتي انتشرت خلال الساعات الماضية، مما نفت زوجة السقا لهذا الامر.

تصريحات ياسمين عز عن أحمد السقا ومها الصغير

وأكدت ياسمين عز من خلال برنامجها " كلام الناس " : الكلام مش عن عمل جديد بيحضر له النجم أحمد السقا، ولكن الكلام كله عن أنه انفصل عن زوجته وكلاكيت للمرة الخمستلاف وطبعا مش صح ومش حقيقي.

صحت السيدات وقالت لا تستحملي الوجع ولا الإهانة

وأضافت ياسمين عز: كل ده علشان بوست مها الصغير قالت فيه جملة أو أو خاطرة أو حكمة، ونصحت السيدات وقالت لا تستحملي الوجع ولا الإهانة لأن في الآخر عمرك هيضيع ومحدش هيشكرك والطلاق صعب لكن الأصعب منه العيش بروح مطفية، وهل هي علشان بتدي نصيحة للستات يبقى هي اطلقت؟ ولو أنا بتكلم عن الحوامل يبقى أنا حامل، لأ إحنا ممكن نتكلم عن الحوامل والمطلقات والآنسات، ليه كل حاجة نقولها تبقى ليها علاقة بينا؟.

دي كدبة أبريل وده مالوش أي أساس من الصحة

وتابعت ياسمين عز : ايه الأهمية في أن فلان اطلق، ليه نقول لما ممكن نسكت؟ ليه ننتاقش في الموضوع ده، والراجل طلع وقال يا جماعة دي كدبة أبريل وده مالوش أي أساس من الصحة وتقريبا بقى عنده صيغة ثابتة، أنت هتستفيد إيه لما يطلقوا؟ أنت مش المأذون، يا ريت نسيب الناس في حالها وأنا مش بهزر، أنا بعيطك نصيحة لله ومش أي حد يكتب حاجة ناخدها عليه أنتم كده هتحرموا الست تكتب حاجة.