غادة عبد الرازق: " كنت بحاول أدور على بابا تاني"

تحدثت الفنانة غادة عبد الرازق عن علاقتها بوالدها الراحل وتفاصيل حياتها الشخصية، موضحة أنها تزوجت من أشخاص أكبر منها سنًا بسبب محاولتها للحصول على حنان والدها بعد رحيله وليس بدافع الحب.

وقالت غادة عبد الرازق في تصريحات تليفزيونية: وفاة والدي وأخويا وأنا في سن صغير خلاني ارتبطت بـ أشخاص أكبر مني، وبعد والد روتانا ارتبطت مرتين بالأكبر مني في السن جدًا.. وكنت بحاول أدور على بابا تاني، والمبرر في إني كنت بتجوز حد أكبر مني بـ 25 سنة إني كنت بدور على بابا مش حب.

وأضافت غادة عبد الرازق عن تفاصيل وفاة والدها قائلة: أنا كنت دلوعة بابا جدًا، وقبل ما بابا يتوفى بـ 3 أيام كان مبسوط، لأنه كان هيبقى وزير وحصله هبوط في الدورة الدموية، وتاني يوم الساعة 7 الصبح عرفنا إن بابا توفى، ومش فاكرة هل اتكسرت أو ضعفت.

وأوضحت غادة عبد الرازق أنها تتعالج من الخوف منذ وقت زيارتها لقبر والدتها، قائلة: أنا عمري في حياتي ما روحت لـ قبر بابا لأنه مدفون في الشرقية، وروحت لـ قبر ماما مرتين من يوم ما اتوفت من 18 سنة وتعبت نفسيًا جدًا، لأني روحت الساعة 2 الصبح وفجأة تملكني الخوف أن إزاي أنا دخلت المقابر في الوقت ده ومن ساعتها وأنا بتعالج من الخوف.