تصريحات جريئة لـ انتصار التى اثارت الجدل

أثارت الفنانة انتصار الجدل من خلال ظهورها كضيفة لأحد البرامج التليفزيونية مع الاعلامى والفنان تامر شلتوت، حيث كشفت العديد من الأسرار حول مشوارها الفني، إلى جانب تعليقها على أزمة تصريحاتها بشأن الأفلام الإباحية، حيث أكدت أنها لم تشجع على مشاهدة تلك الأفلام مثلما زعم البعض، ولكنها أرادت من تصريحاتها إيجاد سبب من أجل مشاهدة هذه المواقع.

نستعرض لكم في هذا التقرير أبرز تصريحات انتصار التلفزيونية

-أهلي صعايدة من الأقصر لكن اتولدت في إسكندرية ومكانوش راضيين أمثل في البداية لكن بعد كدة وافقوا.

-عمري ما كنت ست مرفهة.. بنزل السوق أجيب الطلبات وبمسح وأكنس بيتي بنفسي.

-أول أجر ليّا كان 75 جنيه واديت لأمي منهم 50 وأخدت الباقي.

-مصطلح المرأة المستقلة عبارة عن أفكار مشوهة مفيش حاجة اسمها كدة، المرأة تحتاج للرجل والعكس.

-أنا بحب الراجل اللي يغير عليّ، لأن الممثلة الكوميدية بتكون جريئة شوية لكن جوزي كان بيعلق على لبسي.

-إحنا متربيين على سينما كلها قُبلات.. وبلبس مايوهات عادي.

-ماله المايوه موجود وبيتباع في الشارع.. ليه عايزين تاخدوا تصريح على لساني تدِينوا بيه المايوه.

-يعني إيه سينما نظيفة مغسولة يعني.

-بنتي امتداد ليا لأنها نسخة مني، ولو في راجل أكبر منها بكتير تقدم لها هرفضه.

-والدي حافظ القرآن كله واسمه مكتوب عندنا في البلد على الحيطة وكنت مؤهلة لوفاته.

-محتاجة لراجل في حياتي.. ومينفعش نقول كل الرجالة خاينة فيه منهم محترمين ومتربيين.

-معجب قالي يا سافلة يا مستبدة عشان متصورتش معاه.. وحبست شخص تطاول عليّ على الواتساب.

-أخدت إجراء قانوني ضد معجب تاني بعتلي شتيمة على الواتساب لإن إحنا مش هنعيش العمر كله نعمل بلوك.