شريف خير الله:" نور الشريف زعل منى " لهذا السبب

تحدث الفنان شريف خير الله، عن ترشيح الفنان نور الشريف له، في فيلم الطيب والشرس والجميلة، وقت حضوره لعرض مسرحي منذ أيام كان طالبا في المعهد العالي للفنون المسرحية.

واضاف شريف خير الله فى تصريحات تليفزيونية : "نور الشريف رشحني لفليم الطيب والشرس والجميلة في عام 1993، وقتها المخرج مدحت السباعي قالي هنعمل تعديلات في السيناريو وهبعتلك وبعدها محدش بعتلي حاجه، والفيلم بدأ تصويره فقولت خلاص يبقى حد تاني خد الدور مكاني".

وأضاف شريف خير الله :"بعدها بـ 10 ايام كلمني أستاذ عبدالرؤوف وقالي هتروح مدينة السينما علشان هتصور الفيلم، قولت له بس أنا مخدتش السيناريو علشان أجي أمثل، قالي هات بدلتين وتعال علشان تعمل الدور.. رديت عليه بعصبية يعني ايه أجيب بدلتين وأجي أمثل هو أنا قاعد على الرصيف".

واختتم شريف خير الله، :"وقتها افتكرت أن الحكاية دي معمولة من ورا نور الشريف، لأن هو ممثل أكاديمي وعارف يعني إيه أدوات الممثل، ومرضيتش أروح وبعدها عرفت أن نور الشريف زعل مني وبعد فترة حكيت له اللي حصل وهو كان مصر على الدور أن أنا اللي أعمله وهو كان مخبي الدور علشان المخرج كان عاوز حد مكاني لحد ما جه الوقت المناسب علشان يبعتلي".